SECTIONS
Thursday, September 20, 2018
SUPERBALITA CAGAYAN DE ORO

Body camera alang sa mga drug operation

ARON mawagtang ang mga pagduda sa katawhan niining mga drug operation labina sa Misamis Oriental, gilantaw karon ang pagbutang og body camera sa kapulisan.

Tinguha karon ni Misamis Oriental Governor Yevgeny Vincente Emano nga hatagan og body camera ang matag police station sa kalungsoran.

Matud niini nga karong tuiga buot niyang mahatagan og mga body camera ang 23 ka lungsod lakip ang Philippine Drug Enforcement Agency (PDEA)-Northern Mindanao ug mga special unit nga ga operate batok ginadili nga druga.

Dili buot niyang manginlabot sa kapolisan sa unsa man ilang operasyon tungod kay sayod siya nga nagsunod og saktong proseso ang mga otoridad atol sa mga operasyon.

Dinhi sa Misamis Oriental, moabot na ngadto sa 10 ka tao napatay sugod sa bulan sa Agusto gumikan sa giingong misukol ato sa operasyon.

Buot ipatawag sa Sangguniang Panlalawigan si Police Senior Superitendent Rolando Destura, ang provincial police director sa Misamis Oriental, aron patubagon ug pagpasabot nganong niabot sa pagkamatay sa drug suspect.


VIEW COMMENTS