SECTIONS
Thursday, September 20, 2018
BACOLOD

Editoryal: Kinsay paboran?

BISAN pa sa pagbasura sa gipangayo nga temporary restraining order (TRO) sa Korte Suprema, naglaum gihapon si Senador Antonio Trillanes IV nga molusot gihapon siyang madaugon niining legal nga pakigbatok sa pagbakwi sa iyang amnestiya ni Presidente Rodrigo Duterte.

Si Presidente Duterte milagda og Proclamation No. 572 aron nga ipawalay-bili ang amnestiya nga gihatag ngadto kang Trillanes sa administrasyon ni kanhi Pres. Benigno Aquino niadtong 2010 human masayri nga wala misunod sa saktong proseso.

Si Trillanes nalambigit sa duha ka pagsulay nga kudeta niadtong 2003 ug 2007 aron nga palagputon si kanhi Pres. ug karon House Speaker Gloria Macapagal-Arroyo.

Apan niadtong Martes, gibasura ang hangyo sa kampo ni Trillanes ngadto sa Korte Suprema nga TRO apan mihatag og higayon sa Makati Regional Trial Courts sa paghimo sa ilang nagkadungan nga hurisdiksyon nga dunggon ug iresulba ang hangyo/mosyon nga gisang-at sa duha ka mga partido bahin sa legalidad sa Proclamation No. 572.

Niadtong milabay nga semana, ang Department of Justice misang-at og dinalian nga mosyon ngadto sa Makati RTC Branch 148 ug 150 alang sa pagpagawas og alias warrant of arrest ug hold departure order batok kang Trillanes.

Ang Branch 148 modungog sa petisyon karong adlawa, Septyembre 13, samtang ang Branch 150 nagtakda sa pagdungog ugmang adlawa, Septyembre 14.

Sa pagbasura sa TRO nga hangyo ni Trillanes, naghudyaka ang DOJ ug ang Office of the Solicitor General kay giila sa SC ang Proclamation 572 nga balido.

Kinsa kahay magyudkaya sa makab-ot nga desisyon sa Makati RTCs human sa mga pagdungog? Kang kinsa kaha kini mopabor?


VIEW COMMENTS