SECTIONS
Thursday, September 20, 2018
SUPERBALITA CEBU

Ranking sa ekonomiya sa Sugbo misaka

GIHANGOP sa Kapitolyo ang pagsaka sa ranking sa Probinsiya sa Sugbo sa 2018 National Competitiveness Index. Gikan sa ika-44 nga pwesto sa miaging tuig, anaa na ang Cebu Province sa ika-25 nga luna karong tuiga.

Gawas sa gipatuman nga maayong pang-gobiyerno, giila ni Gob. Hilario Davide III ang kontribusyon sa pribadong sektor o sa mga magpapatigayon sa pagpasaka sa ekonomiya sa probinsiya.

Ang National Competitiveness Council maoy nihimo sa pag-rank sa competitiveness level sa mga local nga kagamhanan, base sa performance sa mga LGU ug sa panan-aw sa pribadong investors ingun man sa economic dynamism, government efficiency, infrastructure ug resiliency.

Matod ni Davide, ang pag-apil usab sa mas daghang local government unit (LGU) gikan sa Sugbo sa kampniya pagpadali sa pag-establisar ug negosyo, nakatampo usab sa competitiveness rating sa probinsiya.

Sigun sa gobernador, paningkamotan sa Sugbo nga mas mo-improve ang rating niini sa sunod tuig. AZLG


VIEW COMMENTS