SECTIONS
Thursday, September 20, 2018
SUPERBALITA CEBU

Ika-4 nga Mandaue-Mactan bridge tukuron

NAGSUGOD pa lang ang pagtukod sa ikatulong Cebu City-Cordova bridge, ang pagtuon sa pagtukod alang sa ikaupat nga taytayan nga magkutay sa isla sa Mactan ug mainland Cebu gisugdan na usab.

Si Department of Public Works and Highways (DPWH) 7 Director Edgar Tabacon niinon nga ang Japan International Cooperation Agency (Jica) nisugyot nga anha kini sa Mandaue City, Cansaga area sa Consolacion ug motapos sa Barangay Pusok, Lapu-Lapu City.

Gibutyag sa DPWH nga ang 74-kilometer Metro Cebu Expressway gihimo aron pagpaluag sa trapiko gikan sa Naga City ngadto sa Danao City.

“The total cost of the project (expressway) is now reduced to P28 billion from P50 billion due to the deletion of 16 distributor roads from the original 19 distributor roads,” matod ni Tabacon.

Ang Metro Cebu Expressway usa ka south-north bypass road gikan sa Naga ngadto sa Danao uban sa distributor roads sa Cebu South Road.

Dunay tulo ka segments: Segment 1, Talisay City-Cebu City-Mandaue City, 26.80 kilometers; Segment 2, Consolacion-Liloan-Compostela-Danao City (29.80 kilometers); ug Segment 3, Naga City-Minglanilla (17.15 kilometers). Ubos kini sa 2018 General Appropriations Act, nigahin og P300 milyon. SunStar Cebu


VIEW COMMENTS