SECTIONS
Saturday, September 22, 2018
SUPERBALITA CEBU

Walay klase, biyahe sa barko

HUMAN sa provisional lifting sa supensiyon, ang Philippine Coast Guard (PCG) Cebu Station nimando na sa hingpit nga kanselasyon sa biyahe sa mga barko gikan sa puwerto sa Sugbo kagahapon sa hapon, samtang nisunod ang pagpahibalo sa local government units sa Metro sa pagsuspenso sa klase sa tanang ang-ang.

Lapu-Lapu City

Unang nimando si Lapu-Lapu City Mayor Paz Radaza sa kanselar sa klase sa miaging adlaw human sa pagbunok sa uwan ug nimando sa disaster team ug kapulisan ang mga pantalan sa siyudad sa pagdili sa pagpalarga niini.

Cebu City

Kagahapon, si Mayor Tomas Osmeña nipahibalo sa iyang Facebook account nga walay klase karon sa tanang ang-ang sa tunghaang publiko.

"Upon consideration of PAGASA’s prediction and the assessment of the Cebu City Disaster Management Office regarding the effects of Typhoon Ompong, I hereby declare NO CLASSES in all schools under the Cebu City Government’s jurisdiction tomorrow (karon)," tipik sa post ni Osmeña.

Ang City Hall personnel gipangdistino na usab sa mga dapit nga risgo kon magbunok ang uwan uban sa kusog nga hangon.

Mandaue City

“In light of PAGASA reports of possible heavy rains and flooding enhanced by Typhoon Ompong and an activity by DepEd teachers in the afternoon of Friday, September 14th, I hereby declare the cancellation of classes in all PUBLIC pre-School, elementary and high schools in the City of Mandaue. Private schools may choose to follow suit at their discretion," pahibalo ni Mayor Luigi R. Quiusmbing.

Samtang, niluwat og provisional lifting ang PCG 7 kagahapon alang sa mga biyahe sa pantalan sa Sugbo ug Bohol gikan sa alas 12 sa udto nga mao unta ang oras sa pagsugod sa kanselasyon, giuswag kini kagahapon sa alas 5 sa hapon.

Matod ni Lt. JG Michael John Encina, operations officer sa PCG 7 nga nakadesider sila nga pabiyahion kadtong short trips o kadtong duol lang nga biyahe.

Lakip sa biyahe nga gitugutan kagahapon mao ang Sugbo paingon sa Bohol ug pabalik, Sugbo ug paingon sa Ormoc sa Leyte, Santander paingon sa Dumaguete City, Hagnaya sa Sam Remigio paingon sa isla sa Bantayan, ug Danao City paingon sa Camotes.

Dugang ni Encina nga kadtong dagkong barko ug tag-as nga biyahe, kancelado na gyud kini.

Sa pagkutlo ning balita, gahuwat na lang sa 5:00 pm nga weather advisory ang PCG 7 aron basehan nila ang ilang hingpit na nga pagkansela sa biyahe sa mga naasoy nga pantalan.

Nasayran nga aduna na’y mga biyahe nga gikanselar kagahapon sa wala pa ang alas 12:00 sa udto, apan ni-resume kini dihang niluwat og provisional lifting order ang PCG 7.

Sa Gale Warning nga giisyu sa Pagasa kagahapon sa alas 5:00 sa buntag, wala malakip ang Central Visayas niini.

Gilauman nga karong adlawa wala na’y biyahe tungod kay Biyernes ug Sabado ang forecast sa Pagasa nga dagko ang bawud ug masinati ang pag-uwan.

Si 'Ompong' misud sa Philippine Area of Responsibility (PAR) niadtong Miyerkules SunStar nagkakusog samtang nagkaduol sa amihanang Luzon sa gikusgon sa hingon nga 205 kph ug huro nga moabot og 255 kph.

Dili maigo ang Kabisay-an apan magdala kini kusog uwanug pagdagko sa mga bawon tungod sa mas grabe nga habagat tungod sa epekto sa bagyo. SunStar Philippines, HBL, Ma. Devorah Taneo and Reyna Lopez - Interns


VIEW COMMENTS