SECTIONS
Thursday, September 20, 2018
SUPERBALITA CEBU

Suspek sa pagpatay sa langyaw nasikop

SUSPEK sa pagpusil-patay sa Korean national sulod sa usa ka motel niadtong Agusto 26, nadakpan sulod sa usa ka hotel sa Barangay Lahug , siyudad sa Sugbo pinasikad sa duha ka warrant of arrest nga giluwatan nila ni Judge Alan Francisco Garciano sa Branch 28 ug Judge Ferdie Riveral sa Branch 56 sa kasong murder.

Ang nadakpan mao si Jessie Iriarte Casado alyas Kano, 35, taga Barangay Lamac, lungsod sa Consolacion.

Lakip sa nasikop ang live-in- partner nga si Ajie Capangpangan Soguilon, 18, taga San Vicente, lungsod sa Liloan ug ang iyang inahan nga si Arlene Soguilon, 46.

Matod ni Chief Insp. Dindo Alaras hepe sa Mabolo police station nga human mapatay sa suspek si Young Ho Lee, duha ka semana na nila kining gisundan hangtod nga nakadawat og taho nga magbalhinbalhin og hotel.

Sa dihang nasuta nga ni-check-in sa JY Crown Palace sa Edison St. sa Lahug, giplanohan dayon nila ang pagdakop pinaagi sa pagpa-check-in usab og laing mga pulis sa duol nga lawak.

Aduna usab silay pulis nga nag atang sa ubos aron sa pag monitor kung kinsa kining iyang mga kauban.

Dihang nisulod ang inahan sa live-in-partner sa alas 7:12 sa gabii niadtong Miyerkules, ilang gisud ang lawak ug gidakop ang suspek. AYB


VIEW COMMENTS