SECTIONS
Thursday, September 20, 2018
SUPERBALITA CAGAYAN DE ORO

Nagsuyop duol sa kapilya tiklo

TIKLO ang tulo ka suspetsado human nga nasapon nga nagsuyop sa gituohang iligal nga druga duol sa kapilya ug tunghaan niadtong Septiyembre 12, nga nahimutang sa NHA, Kauswagan, dakbayan sa Cagayan de Oro.

Ang mga nadakpan naila nga sila Rose, 22, nga kasamtangang nanimuyo sa nahisgutang dapit apan lumad nga taga Poblacion, Initao, Misamis Oriental; Mark, 22 nga taga Barangay Bugo ug Sheryl, 23 nga taga Barangay Camaman-an.

Sa impormasiyon, gikabutyag nga nagpahigayon ang tinugyanan sa City Drug Enforcement Unit (CDEU) ug Regional DEU og joint anti-illegal drug operation hinungdan sa ilang pagkasikop.

Nasayran nga nasapon ang mga suspek sulod sa girentahang pad nga nagsuyop hinungdan nga dali kining gisikop.

Nakuha gikan sa mga suspek ang mga drug paraphernalia.

Gikonsiderar nga user o naggamit lang og iligal nga druga ang mga dinakpan ug kasamtangang anaa na sa tinugyanan sa kapolisan.


VIEW COMMENTS