SECTIONS
Saturday, September 22, 2018
SUPERBALITA CAGAYAN DE ORO

Ordinansa sa pag-calibrate sa gasolinahan giplano

TUNGOD sa padayon nga pagsaka sa presyo sa petrolyo, buot karon sa komitiba ni Konsehal Goerge Goking nga ipa-calibrate ang matag gasoline station aron ma protektahan ang mga kunsomidor.

Matud ni Goking, chairman sa committee on ways and means ug trade and commerce, nga tungod niini buot niya masuta kon insakto ba ang pagtubil sa pretolyo sa mga customer.

“Kung naa’y recommendation maybe I can come up with an ordinance para ma protektahan pud ang mga consumer nga dapat e-calibrate,” tipik sa pahayag niini.

Pinaagi usab sa ordinansa sa maong ordinansa matabangan lakip ang Department of Energy (DOE) sa pagpatuman sa pagbutang og insaktong operational signs.

Lakip niini ang pagwagtang sa signage nga “unleaded” sa mga pumps tungod magdala kini og kalibog sa katawhan ug magtoo nga adunay “leaded” gasoline.

Nasayran nga 12 ka mga gasolinahan ang na-inspeksiyon sa tinugyanan sa DOE-Mindanao Field Office kauban ang Regulatory and Complaint Board niadtong Septiyembre 11, 2018 ug mapasalamaton kini sila tungod kay wala’y nakitang nagtubil nga kulang.


VIEW COMMENTS