SECTIONS
Saturday, September 22, 2018
SUPERBALITA CAGAYAN DE ORO

Pipila ka tunghaan mikansela sa klase

PIPILA ka mga tunghaan ning dakbayan sa Cagayan de Oro ang nikansela sa ilang mga klase aron pagsiguro sa kaluwasan sa mga tinun-an sa pagsulod sa Bagyong Ompong sa nasud ilabi na sa pag-landfall niini sa adlaw nga Sabado, Septiyembre 15, 2018.

Una na nga nagkanselar sa klase ang tanan nga level sa mga tunghaan gikan sa Barangay Balubal, Cugman, City high school, Lapasan ,Patag, Carmen, Pagatpat, Malasag ug Canitoan niadtong Septiyembre 13.

Padayon ang pagkanselar sa klase sa tanang level sa tunghaan ang Barangay Balubal Biyernes, Septiyembre 14.

Ang lakang maoy nasabotan sa tinugyanan sa Cagayan de Oro City Risk Reduction and Management Department (CDRRMD) ug uban pang ahensya isip pagpangandam sa epekto sa Bagyong Ompong sa dakbayan.

Una na nga nagpasidaan si CDRRMD head Allan Porcadilla nga base sa nasabotan atol sa pre-disaster risk assessment meeting ubos sa Executive Order 66 dili na kinahanglan nga ang mayor pa ang modeklara nga wala’y klase kung ugaling makita nga aduna na’y peligro sa palibot.


VIEW COMMENTS