SECTIONS
Thursday, September 20, 2018
SUPERBALITA CAGAYAN DE ORO

5 ka balay natumbahan og punoan sa Sambag

APEKTADO ang lima ka mga panimalay human nalukat ang dakong punoan sa sambag niadtong Septiyembre 13 sa Purok 3, Seaside Barangay Tablon, dakbayan sa Cagayan de Oro.

Walay natalang mga nasamdan o nadat-ugan sa pagkahagba gawas sa nahisgutang mga panimalay nga gipanag-iyahan nila ni Magnolia ug Nestor Arnol, Ronel Tupag, Roger Cabunoc ug Lodena Layan.

Duha ang giingong destroyed samtang duha usab ang damaged ug ang usa niini ang naapeketohan ang atop nga bahin sa balay.

Gibutyag sa mga apektadong residente nga kini nahitabo dihang nikusog ang huros sa hangin ug ilang gituohang nga ipo-ipo.

Gibanabanang mga 30 na ka tuig ang punoan sa sambag.

Swerte nga nakatukod ang mga sanga niining punoan ug mao’y nakapugong sa kalit nga paghagba niini.

Samtang nakadawat na og pasi-unang hinabang ang mga apektadong residente gikan sa City Social Welfare and Development.

Niadtong panahona mao usab ang pagsulod sa Bagyong Ompong sa Philippine Area of responsibility.


VIEW COMMENTS