SECTIONS
Thursday, September 20, 2018
SUPERBALITA DAVAO

Mga CCTV imuntar sa mga entradang bahin sa DavSur

DAVAO DEL SUR -- Naglaraw ang Davao del Sur Police Provincial Office (DSPPO) nga butangan og mga closed-circuit television (CCTV) camera ang mga entradang bahin sa probinsiya.

Si Senior Superintendent Ferlu Silvio, provincial director, nagbutyag nga ang mga CCTV dako og ikatabang sa pag-monitor sa tanang mosulod sa probinsiya.

Matud ni Silvio nga tanang station commanders angayan sab nga magbutang og CCTV sa ilang istasyon isip kabahin sa security measures.

Gawas niini, magbutang sab ang DSPPO og online monitors aron makita kung naglihok gyud ang mga ginsakpan sa ilang trabaho.

Apan, matud niya nga aduna nay mga istasyon ang adunay CCTV.

Mas maayo sab nga makig-alayon sa lokal nga gobyerno ang mga hepe aron matuman ang pagpadali sa pagtaod niini.

Samtang, nagpasidaan si Silvio sa publiko nga dili i-post sa social media ang mga bomb threat nga madawat nila aron malikayan ang kaguliyang.

Gipasalig niini nga gipalig-on nila ang intelligence monitoring batok sa mga dautang elemento. (Orlando B. Dinoy)


VIEW COMMENTS