SECTIONS
Saturday, September 22, 2018
SUPERBALITA DAVAO

21 wanted persons nasikop sa Davao

SIKOP ang 21 ka mga wanted persons sa gilusad nga city-wide Oplan Kalinaw sa Police Regional Office (PRO)-Davao uban sa Davao City Police Office (DCPO) niadtong Huwebes.

Hiniusang puwersa sa otoridad ang gihugpong hinungdan sa pagkasikop sa 21 ka mga pinangita sa balaud human sa gihimong identity/background check and profiling sa mga residente sa Davao City.

Ang operasyon miresulta sa pag-bio profiling sa 1012 ka mga residente; 944 niini dunay mga identification cards (IDs), ug ang 168 wala nakapakita og mga ID samtang ang 21 nasuta nga mga wanted persons nga dunay mga serious criminal offenses.

Sa tumong nga makadalit sa komunidad sa operasyon, nakapahimulos ang laing 525 ka mga residente sa free medical check-up ug sa supplemental feeding diin ang 557 ka tawo nakadawat og libreng medisina ug bitamina.

“We included community outreach in our campaign and at the same time community empowerment through crime prevention education by giving of informative flyers,” sumala ni PRO-Davao director Chief Superintendent Marcelo Morales.

Ang Oplan Kalinaw regular nga aktibidad sa kapulisan tumong nga mabutang sa luwas ug malinawon nga sitwasyon ang katawhan sa rehiyon. (Jeepy P. Compio)


VIEW COMMENTS