SECTIONS
Thursday, September 20, 2018
SUPERBALITA CEBU

Pumpboat gipabiyahe

TALIWALA sa kamanduan nga gidid-an ang tanang pumpboat nga molawig gikan sa isla sa Olango paingon sa mainland Lapu-Lapu City o vice versa, usa ka pumpboat ang gitugtan kahagapon sa buntag.

Ang pumpboat maoy gisakyan niadtong tali-anak nga mabdos nga gikinahanglan nga ipaubos sa dinaliang Caesarean Section kay di makahimo sa maong operasyon ang local hospital sa isla.

Gihatagan og “go signal” sa Cebu Coast Guard (Mandaue Sub-Station) ang mb Santa Rosa City human nga nangayo og clearance ang Lapu-Lapu City Disaster Risk Reduction Management Office ubos ni Andy Berame nga makabiyahe gikan sa isla paingon sa mainland. Usa ka Criselda Pogoy, 36 nga taga-Barangay Sabang, Olango Island ang gibiyahe paingon sa mainland sa dihang gikatakda na sa iyang pagpanganak apan nasuta nga ang kaluha nga puya diha sa iyang sabakan, suhi ang posisyon. FVQ uban sa taho ni Devorah Taneo ug Reyna Lopez - USJR Intern


VIEW COMMENTS