SECTIONS
Saturday, September 22, 2018
SUPERBALITA CEBU

Wade wa pay klaro

HANGTOD karon, wala pa masayod ang Miami Heat kon moduwa pa ba ang ilang pambatong shooting guard nga si Dywane Wade sa ika-16 nga season niini sa National Basketball Association (NBA).

Ang rason? Mismong si Wade wala pa nakabuhi og pinal nga desisyon.

Ning bag-uhay lang, ang 12-time All-Star nakadawat na sab og pangutana kon unsa’y iyang plano sa umaabot nga 2018-19 season.

Ang training camp sa Heat magsugod na sa umaabot nga duha ka mga semana.

“I wish I had an answer for you. I don’t have it today,” asoy ni Wade.

“I always said that when I got traded back to Miami, that was it for me. I said it in the first interview and I don’t want to pack my bags to go nowhere. My family’s here, my kids are growing.”

Gikataho nga gitanyagan si Wade og $25 million nga kontrata nga molanat og tulo ka mga tuig aron moduwa sa Zhejiang Golden Bulls sa Chinese Basketball Association (CBA), nga makapahimo kaniyang labing dako og suweldo nga basketbolista sa China.

Apan gitataw ni Wade, 36, nga wala siya’y plano nga moduwa sa CBA o sa bisan unsang team gawas sa Miami, kini kon makahukom siyang mopadayon og duwa.

Ang Heat kasamtangang adunay 19 ka mga magduduwa sa ilang training camp diin ilang gireserbahan og puwesto si Wade. AP, ESL


VIEW COMMENTS