USA ka lalaki ang nasikop human nasakpang naghupot og marijuana sa gilusad nga checkpoint sa mga otoridad didto sa lungsod sa Kapalong, Davao del Norte niadtong Sabado sa gabii.

Giila ang dinakpan nga mao si Christopher Celis, 21 anyos, ug molupyo sa Purok Starlight, Barangay Kamuning, lungsod sa Asuncion, Davao del Norte.

Sa report gikan sa Davao del Norte Police Provincial Office, nasayran nga pasado alas 6:00 sa gabii, nasikop sa mga sakop sa Kapalong Municipal Police Station ang suspek atol sa gilusad nga Comelec checkpoint.

Sakay sa usa ka habal-habal si Celis sa dihang gipahunong sila sa kapulisan sa

usa ka checkpoint aron rekisahon.

Apan nasakpan ang suspek nga dunay dalang lima ka putos nga pina-ugang dahon nga gituohang marijuana nga gibalot og papel.

Daling gidala ngadto sa presinto sa kapulisan si Celis lakip ang habal-habal driver nga iyang gisakyan aron ma-imbestigahan.

Hinuon, ang driver sa habal-habal, gibuhian gihapon human nasuta nga way kalambigitan sa ilegal nga buhat ang suspek.

Si Celis, gitanggong dayon sulod sa selda samtang kasong paglapas sa RA 9165 kon Comprehensive Dangerous Drugs Act ang gihikay na batok kaniya. (Marvin Pineda)