GIBUTYAG nga bisan wala masakmit ni Carlo Paalam ang medalyang bulawan apan kumpiyansa si Mayor Oscar Moreno nga malakip kini sa tuig 2020 nga Olympic games sa Japan.
Giingong daghan ang nakadayeg sa performance ni Paalam bisan wala niini masakmit ang gold medal.
“Of course mismo kadto sa Asian games they must have been very very impressed sa iyang performance even if he did not turned out the golden performance” tipik sa pahayag ni Moreno
Nanghinaot kini sa laing kalamposan ni Paalam sa latad sa boksing ilabi na karong umaabot nga qualifying rounds alang sa Olympic ug aron nga padayon nga mamahimong inspirasiyon ngadto na sa mga kabataan diin dakong tabang angs ports aron nga malikay sa mga dautang bisyo.
“Sunod na sab ani nga direction is qualifying rounds para sa Olympic of 2020 of japan and we wish Carlo all the best” dugang ni Moreno.
“Mao gyud na akong dream nga Olympic, adlaw-adlaw gyud ko ga-ampo, ganahan ko sa iya ni Manny Pacquiao sa iyang attitude” tipik usab ni Paalam.
Nasayran nga si Paalam produkto kini ni Moreno sa iyang amateur boxing development program ug membro kini sa RP national amateur boxing team.