SECTIONS
Superbalita CDO
Monday, September 20, 2021
SUPERBALITA CAGAYAN DE ORO

Paalam emosyonal

EMOSIYONAL ang boksidor nga Kagay-anon sa pag-atubang sa lokal nga media sa siyudad sa Cagayan de Oro niadtong Septiyembre 14 sa conference room sa buhatan sa mayor.

Nasakmit bag-o lang ni Carlo Paalam, 20, lumad sa Zayas, Carmen ang bronze medal (light flyweight 46-49 kgs) atol sa Asian Games 2018 nga gipahigayon sa Jakarta Palembang, Indonesia.

Gold medalist usab kini sa Thailand Open International Boxing 2018, World Series Boxing, Russia (2018) ug ASBC International Boxing Tournament, Khazakstan (2018) samtang bronze medalist sa World Boxing Championship, Uzbekistan (2018).

Gibutyag ni Mayor Oscar Moreno nga bata pa lamang si Paalam nakita na ang potensiyal diin iyang gisuportahan ug padayon ang pagsuporta niini.

“Ako sab akong pagsuporta sa iya has not come to an end and it will not come to an end, suporta gyud kinasing-kasing we’re very happy and proud of his performance," pahayag ni Mayor Oscar Moreno.

Namahimo usab nga emosiyonal si Paalam sa dihang gibalik-lantaw ang kaagi sa wala pa kini nakasulod sa latad sa pagpamoksing diin makatulog lamang sa tangkalan sa baboy kaniadto ug nangolekta og basura.

“Nakatabang nako sa akong pamilya, sa akong mga igsoon nakapa eskwela ko, wala man ko nag expect tungod kay naa si God nga kauban perminte, tungod sa kapobre naningkamot” ang emosiyonal nga pahayag ni Paalam.

Gi-angkon niini nga dili malikayan ang bati-on nga pressure ilabi na nga naglaom ang pipila nga masakmit niini ang gold nga medalya. Giingong naglisod kini sa nakalaban nga Khazakstan gumikan kay sinati o eksperyensado na kini apan iya kining napildi.

Samtang ang nahimong champion mao ang Indian nga alang kaniya mas dali nga pildihon gumikan kay mas abtik ang Khazakstan apan ang Indian nga nahimong gold medalist alang kaniya mahadlok nga ma-igo sa iyang mga kinumo.

“Medyo naglisod ko kay Khazakstan, pareho mi og style pa-unhanay nalang mi eksperyensado siya sa boxing magulang pa sa akoa 30” dugang ni Paalam.

Gipahalipayan na usab kini ni Presidente Rodrigo Duterte pinaagi na usab sa paghatag og insentibo. Nagpasalamat usab og dako si Paalam sa suporta nga gikahatag sa siyudad ilabi na ni Moreno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!