SUPERBALITA DAVAO

Makabalda sa programa

Kontra Balanse

DAGHAN karon ang mga programa nga gusto himuon ni Presidente Rodrigo Roa Duterte, apan pipila niini wala pa’y natuman tungod kay daghang sagabal, sama ang mga oposisyon nga kanunay nangita’g paagi aron mabalda ang mga plano sa atong pangulo.

Daghan nang mga presidente ang nanglabay, pero walay programa alang sa pagsumpo sa nagkuyanap nga droga nga kadaghanan gipaluyohan sa mga narco-politicians.

Karon nga si Duterte na ang nahimo natong presidente diha pa kita nasayud nga kadaghanan diay sa mga politiko sa Pilipinas pulos nagpaluyo sa ginadili nga droga, puwera sa uban nga tinud-anay ang panerbisyo sa katawhan.

Bisan tuod og di gyud ma-perfect sa presidente nga masumpo ang droga sa Pilipinas, apan di sab maayo nga pasagdan nalang nga mokuyanap kini ug maghatag og dautang imahe sa atong nasud, sama sa Columbia ug Mexico nga notado nang tinubdan sa droga sa kalibutan.

Ang ikaduhang programa sa atong presidente, mao ang kurapsiyon nga di gyud masumpo tungod kay mismo ang iyang pinili nga sakop sa Gabinite, may kaugalingon man nga agenda; sa kasaysayan si Duterte lang ang dunay daghang opisyal nga nataktak sa puwesto gumikan naduhig sa kurapsyon sa miaging mga administrasyon.

Ikatulo mao ang kausaban sa atong sistema nga Presidential Unitary ngadto sa Pederalismo, tungod kay gituhoan sa kadaghan nga patay na kini, gumikan mismo ang mga kaalyado niya ug ang iyang economic adviser bugnaw ug walay gusto niini.

Karon, nia pa'y usa ka tawo nga nagdalag tigaw sa iyang administrasyon nga walay laing gihimo mao ang pagpunay'g saway, ug pag-imbestiga sa iyang gipanghimo, kini mao si Senador Antonio Trillanes.

Kamo unsa'y inyong kaugalingong pagtuo niini? Hinuon, dako ang atong paglaum nga may pagsalig pa ang mga katawhang Pilipino sa liderato sa atong pangulo, -- liderato nga alang sa tinuod nga kabag-ohan.

Hinaut nga walay laing agenda ang motumaw sa unahan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph