Bomb scare sa pantalan negatibo

MAPASALAMATON ang kapolisan human nga nagnegatibo ang gidudahang plastik nga nahabilin sa pantalan nga gikabalak-ang aduna’y sulod nga eksplosibo niadtong Lunes sa buntag sa Macabalan port ning dakbayan sa Cagayan de Oro.

Nasayran nga ang maong bag nakalimtan sa tag-iya diin aduna’y sulod nga laptop ug mga papel.

Matud ni SPO3 Terencio Virtudazo sa Police Station 5 (PS5) sa Macabalan nga daling mitaho ang mga tawo human namatikdan ang kadudahang butang.

“Mapasalamaton ta sa mga concern citizen kay naghatag gyud sila og information bisan unsa nga kahadlokan, katingalahan atong e-report para matagaan nato og sakto nga aksiyon,” pahayag ni Virtudazo.

Giingong una na nga nabulabog ang katawhan human nga gisarado ug wala una gipaagi-an ang dalan sa nahisgutang pantalan.

Hugot ang pagbantay sa seguridad sa siyudad sa Cagayan de Oro ug sa tibuok Rehiyon human usab nga aduna’y laing mibusikad nga bomba sa General Santos City diin walo ang samaran.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph