ALERTO ang tibuok pwersa sa kapolisan sa Police Regional Office sa Amihanang bahin sa Mindanao (PRO-10) sa sunod-sunod nga pagbusikad sa bomba sa siyudad sa General Santos City ug Cotabato City.
Gimando ni Police Chief Superintendent Timoteo Pacleb ang Regional Director sa PRO-10 ang full security alert sa tibouk rehiyon ingon man ang pagbutang og mga polis lakip na K-9 units sa mga pampublikong mga lugar.
"We need to further intensify our intelligence monitoring and liaising to build a strong information network against this kind of terror attack," pagbutyag niini.
Gihangyo sab niini ang katawhan nga isulat ug i-save kining mga mosunod nga numero alang sa ilang seguridad kon adunay mga kadudahang mga tao sa palibot.
"We will once again give the public our hotline numbers which will be ready to answer the public 24/7," matud niini.
Ania ang mga mosunod nga mga police hotlines: Bukidnon, 09985986851 ug 09175429526; Camiguin, 09985986908; Misamis Oriental, 09985986940 ug 09056042841; Misamis Occidental, 09985986915 ug 09173160837; Iligan City Police Office, 09985987004 ug 09177127411; Cagayan de Oro City Police Office, 09177713663; Lanao, 09985986879 ug 09176278361.
Hangyo ni Pacleb sa publiko nga magpabiling kalmado tungod ang maayong depensa batok terorista ang pagkamabinantayon ug pagpakabana sa palibot.
"The best defense against terrorists is awareness and vigilance. When we see something, say something. Report to the police any person, activity or thing which raises our suspicion and the police will take care of it," matud niini.
Gipasalig sa kapolisan nga kutob sa ilang mahimo ilang ihatag ang seguridad sa katawhan.