NAGHIKOG ang usa ka lalaki human gibulagan sa iyang hinigugma niadtong Lunes alas 5:30 sa buntag sa NHA, Barangay Kauswagan ning siyudad sa Cagayan de Oro.
Ang naghikog naila nga si Junmar (bansagon gitago), 23, lumad nga taga Cebu City ug trabahante sa usa ka patigayon sa nahisgutang dapit.
Gibutyag sa hinigugma ni Junmar nga iya kining gibulagan tungod kay iyang nasuta nga daghan kini og uyab sa Facebook apan wala nagdahom ang dalaga nga magpakamatay kini.
“Nakigbuwag naman ko sa iya gud di man siya mosugot, kay daghan man siya’g uyab sa facebook gud mao ako siya’ng gibuwagan,” pahayag sa hinigugma niini.
Giingong nagsulti na daan si Junmar nga ihipos ang iyang mga gamit ug ihatag ang cellular phone ngadto sa iyang inahan.
Samtang matud sa mga kauban sa trabagho ni Junmar nga ila kining nadunggan nga nag segi og tawag sa uyab-uyab niini ug nagsegi og pangayo og password sa Facebook sa tibuok adlaw.
Gibutyag usab ni Police Chief Inspector Paul Jean Ragmac sa Scene of the Crime Operatives (SOCO) nga posibleng ni-ambak ang suspek ug nalubong ang pisi sa ubol-ubol hinungdan sa hinanali niini nga kamatayon.
Gisuta pa kung unsa ug kinsa ang tinuod nga hinungdan sa pagpakamatay sa biktima.