ANDAM na ang tanan alang sa Samahang Basketbol ng Pilipinas (SBP) 3x3 Under 16 (born 2002) sa Septyembre 23 ug 24 sa Felcris Centrale Alfresco Activity Center, dakbayan sa Davao.
Napuno dayon og 32 tims sa boys division ug 16 sa girls niadtong Septyembre 12.
Ang boys defending champion Davao Jones Academy (DJA) maoy nanguna nga makigtakus sa Ateneo de Davao University (Addu), Assumption College of Davao (ACD), Holy Child College of Davao (HCCD), Ford Academy of the Arts (FAA), Emar Human and Environmental College (Ehec), Jose Maria College (JMC) ug Lamb of God Sped Academy (LGSA) nga apil sa liga.
Duna say pampublikong eskuwelahan ang misalmot sa kompetisyon.
Ang Davao Region's first national champion Cabantian National High School (CBNHS) ang paborito sa girls event.
Samtang ang kanhi ACD ug Daniel R. Aguinaldo National High School (DRANHS) maoy mikompleto sa listahan sa torneyo nga gi-organisa ug gisuportahan sa SBP.
Mga modaug maoy mopresenta sa Davao Region ug makapahimulos sa “all-expense paid trip” sa national finals. (ABM)