Daluz mipasaka og injunction kalabot sa iyang suspension

NIDUSO na sa ilang petition for review on certiorari ang kampo ni Cebu City councilor Joey Daluz III uban sa pangaliya nga ilang makuha ang temporary restraining order (TRO) o writ of preliminary injunction gikan Court of Appeals bahin sa iyang unom ka buwan nga suspension.

Ang mga abogado ni Daluz nga silang Atty. Rey Gealon, Floro Casas ug Anthony Silvestrece sa EC Labella and partners law office nipasabot ngadto sa mga maghuhukom sa CA nga ang pagsuspenso sa konsehal mao ang paghikaw sa katawhan nga sila maserbisyohan sanglit siya pinili.

“When the people have elected a man to office, it must be assumed that they did, this with knowledge of his life character and that they disregarded or forgive his fault or misconduct, if he had been guilty of any, “ matod sa ilang kinutlo gikan sa “ Pascual vs. Provincial Board of Nueva Ecija, L-11959, October 31, 1959.

“It is not for the court, by reason o such fault or misconduct practically overrule the will of the people” dugang sa decision.

Ang Office of the Ombudsman Visayas nikonbikto kang Daluz og less serous dishonesty gumikan sa iyang kapakyas pagpasabot nganong niabot ang iyang personal property og P1,029,000 niadtong 2007 sanglit P100,000 ra ang iyang gideklara niadtong 2006.

Ang Ombudsman niingon nga wala mapasabot sa konsehal ang pagsaka sa iyang kabtangan sanglit wala siyay gipasukip nga mga dokumento.

Si Bise Mayor Edgardo Labella nihulagway nga “good faith” ang gibuhat ni Daluz nga gibutang sa iyang Statement of Assets Liabilities and Networth niadtong 2007 kon unsa ang iyang nasunod gikan sa nitaliwan niyang ginikanan ug siya nasagmuyo gumikan kay nasilotan siya sa iyang pagkamatinud-anon.

“Naa man gani koy daghang nahibaw-an diha nga naay minilyon nga personal properties apil ang kwarta dili nila isulti kay total dili man makit-an kay ang klaro makit-an ang yuta raman kay naay titulo,” pika sa bise mayor.

Sa petisyon nga giduso ni Daluz, iyang gipasabot nga nisaka ang iyang personal properties sanglit ang mga kabtangan kanhi ni Inday Nita Cortes Daluz iyang nasunod ug na-anular usab ang iyang kaminyuon niatong tuiga ug ilang gibahin ang ilang property.

Nanghinaot ang bise mayor nga dunggon sa CA ang argumento ni Daluz. PAC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph