GIKATAKDANG mobisita na usab sa Sugbo si President Rodrigo Duterte karong semanaha.
Tungod niini, nangandam na ang Police Regional Office 7 aron mohatag sa hugot nga siguridad.
Apan ang hepe sa PRO-7, Chief Supt. Debold Sinas, wa pa masayod kon kanus-a ug unsay tumong ug tuyo sa pangulo sa iyang pagbalik sa Sugbo sanglit igo lang sila nga gipahibawo sa Presidential Management Staff labot niini.
Sama sa naandan, isaka nila ang alert status duha ka adlaw sa di pa motugpa sa Mactan Cebu International Airport (MCIA) si Duterte. AYB