ANG Davao Optima nga pambato sa Department of Agriculture and Fisheries-Autonomous Region sa Muslim Mindanao (DAF-Armm) maoy midomina sa men's ug women's division sa nahuman nga 5th Abreeza Kadayawan Open Volleyball Tournament sa Abreeza Ayala Mall parking lot.
Ang beteranong DAF-Armm male spikers mipakita og grabeng pag-atake sa batan-ong Davao City National High School (DCNHS) 25-22, 25-12, sa finals aron mohari sa men's division.
Samtang nakaplata ang DCNHS ug ang University of Mindanao (UM) Davao sa ikatulo human gipalukapa, 25-22, 25-12 ang Panabo City.
Sa laing resulta, ang 2015-2016 champion Davao Optima-DAF-Armm maoy gikoronahan human gipayukbo, 25-23, 29-27, 25-16 sa kulba-hinam nga duwa batok UM Davao.
Ang UM Tagum naka-eskapo sa Philippine National Police (PNP) Lady Patrollers 25-15, 17-25, 25-19, aron makuha ang bronze medalya sa kompetisyon nga gi-organisa sa Abreeza Ayala Mall kauban ang Balibolista de Dabaw. (Marizz R. Perez)