NAHUGNO ang kalibutan sa usa ka mister dihang iyang naapsan iyang misis nga nakigtagay og kalipay ibabaw sa kama uban sa usa ka Indian National, kagahapon sa kaadlawon sa usa ka inn sa Claveria, Davao City.
Gipangdala sa San Pedro Police Station ang misis nga si alyas Marimar, 39, taga Barangay 76-A, Bucana ning dakbayan ug ang kadugsing-dugsing niini nga si Korapattere, 48, usa ka Indian national.
Una niini, perting karansa sa bana dihang nakita niya nga misulod ang iyang misis sa lodging inn uban sa langyaw dihang iya kining gisundan.
Wa nagduha-duha ang bana, miadto kini sa San Pedro PNP aron iyang ipadakop ang maluibon niyang misis.
Pag-abot sa kapulisan sa lodging inn, mismong ang bana ang mituktok sa kuwarto, apan gidimalas ang duha sa sulod sa kuwarto kay wala nila ma-lock ang pultahan, hinungdan nga perte nilang pagkasakopa.
Nakita pa sa bana nga nagpatong ang iyang misis ibabaw sa himaya sa “Turko” ug dali-dali silang nag-ilis ug gipangdala sa San Pedro PNP.
Nasayran nga dunay dakong utang sa 5-6 ang babaye hinungdan nga miuban nalang kini sa hanyag sa Turko kaniya, aron maimpas ang utang.
Sa pagpanubay sa SuperBalita Miyerkules sa hapon, wala na suma pa gikustodiya sa kapulisan ang duha gumikan didto nalang sila sa barangay maghusay.