Tita Heart: Dili na modulog

DEAR Tita Heart,

Hello tita good morning sa imoha. Ako diay si Josephine ug imong fans diri sa East Misamis Oriental. Naa lang ko ipatambag sa imoha kay akong bana tita usa siya ka polis unya ako plain housewife lang. Inig gabii tita maglain na siya og katulog didto na sa among sofa. Pagka buntag tita magdali siya og lakaw kay mag-duty siya. Supportive kaayo ko sa iyaha tita, plantsado na iyang uniporme ug iyang pagkaon, atimado sab kaayo nako among mga anak. Ako lang pangutana nganong hapit na magbulan tita nga dili ko niya tapdan sa pagtulog. Iyang pasangil gikapoy daw siya ug karon pod tita siya na ang mamalengke, mohatag nalang siya og cash pangbalon sa among mga anak. Tita possible kaha nay gikabuangan lain akong bana? Paabot ko sa imong tambag.

Josephine

*****

Hello Josephine,

Salamat sa pagpangayo og tambag sa imong problema. Mas maayo sigurong imo gyod storyahon imong bana. Kung dili makigstorya, bisitahi sa iyang opisina. Dili normal sa magtiayon nga naa usa sa balay dili mag-tapad sa pagtulog unya usa na pa gayud ka bulan kapin. Basin man gud naa pod siyay gibiklan sa imoha. Naa’y mga pulong nga imong nasulti niya nga wala na siya ganahi. Storya gyod mo og maayo usa lang na sa maayong solusyon.

Isip sab asawa duna kay obligasyon sa imong bana. Nahatag ba nimo og insakto? Unta dili pod nimo pasagdan imong kaugalingon, dili tungod kay imong bana usa ka polis, bisan kinsang asawa kinahanglan moatiman sa kaugalingon bisan pa sa kabusy sa buluhatong pambalay dili malimot pagkaligo, pagpagwapa ug unsa pa diha. Naa man gani uban kung nay bakante mag-apil og mga activities o pakiglambigit sa kalihokan sa gawas ug dili magsige puyoay sa balay. Hinaot ma settle ra ninyo ang tanan ug maestoryahan kay kung dili ka molihok, moabot sa punto nga magkabulag gyod mo ug imong bana moanhaan lang sa inyong balay tungod sa inyong mga anak ug dili na tungod sa imoha.

Tita Heart

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph