GIKASUBO og dako sa kadagkoan sa 4th Infantry Division (4ID) Philippine Army ang report nga adunay usa ka membro sa New People’s Army (NPA) nga nakabasi sa probinsya sa Cotabato nga misibat og miiskapo tungod sa sekswal nga pagpangabuso sa ilang lider.
Matud ni Major General Ronald Villanueva, commander sa 4ID, nga dili kini ang unang higayon nga ilang gakadawat ang report nga ang lider sa NPA gamolestiya sa ilang miyembro nga mga babaye.
“This is not the first time that NPA terrorists’ leaders sexually abuse their female members. We have reports in some areas not only in 4ID that sexual exploitation have been happening in the ranks of the said terrorist group,” matud niini.
Nanawagan si Villanueva sa mga ginikanan nga bantayan ang mga anak aron dili ma-recruit ug moabot sa punto sa pagpangabuso.
“I call on the parents who have daughters that joined the NPA terrorists to reach them and ask them to come home before it will be too late,” matud niini.
Ning bag-o lang, usa ka membro sa Communist Party of the Philippines–NPA terrorist (CNT) nakaeskapo gikan sa iyang abusado nga lider niadtong Domingo ug mitahan sa Alpha Company, 19th Infantry Battalion (19IB) sa Magpet, Cotabato Province.
Ang 20 anyos nga mao si alyas Wilma nga gipili isip medic sa Pulang Bagani Command 2 (PBC2).
Kini human iyang amahan nasayod sa nahitabo sa anak mitaho dayon kini sa kasundalohan hinungdan nga girescue sa 19IB sa Barangay Calinan, Davao City.
Saysay ni Wilma nga usa lamang siya sa lima ka mga batan-on nga niapil sa pwersa NPA apan wala niya gidahom nga makasinati og sekswal nga pagpangabuso gikan sa lider nga si Alias Botchoy.
“Misulod mi diri aron mawala ang mga pagpahimulos, apan naa ra man diay gihapon pagpanghimulos sulod sa armado,” matud niini kinsa sa pagkakaron gibati na og seguridad sa iyang kaugalingon human nakalingkawas sa pagpangabuso.