SUKWAHI sa gibutyag sa usa ka opisyal sa dakbayan, gibutyag sa National Bureau of Investigation (NBI) nga sa pagkakaron wala pa silay nasutang nagtago og mga bugas dinhi sa Northern Mindanao lakip na sa dakbayan sa Cagayan de Oro.
Matud ni Pastor Oran III, special investigation III sa NBI, nga padayon pa ang ilang imbestigasiyon ug beripikasiyon.
“We are still right now conducting investigation, verification kung meron ba talagang hoarding at smuggling dito sa Region X,” pahayag ni Oran.
Gidugang pa niini nga kung aduna ma’y makumpirma nga naghimo sa ilegal nga binuhatan dili sila magmakuli sa pagpatuman sa balaod.
“Of course, we will enforce the law if proven if they are really rice traders who are engage in this illegal activities like smuggling and hoarding then we will enforce the law, ‘yun ang order talaga sa amin,” dugang niini.
Samtang gibutyag ni Kagawad George Goking, chair sa komitiba sa ways and means, nga human sa meeting wala pa’y validated nga mga negosyante nga nagtago og bugas apan dili kini pasabot nga hunongan na nila ang pagmonitor.
“As of ganiha, there is no validated nga mga hoarders pero it doesn’t mean nga dili mi mopadayon og monitor kay once there’s a validated, madakpan nila moagi man na og legal process, naa may balaod pud ana,” pahayag ni Goking.