CATBALOGAN, SAMAR - Liboan ka mag-uuma ang nakadawat og Certificate of Land Ownership Award (CLOA) gikan sa Department of Agrarian Reform (DAR). Mismo si DAR Secretary John Castriciones ang nitunol sa mga CLOA sa 1,493 ka mag-uuma sa Samar. Ang CLOA naglangkob sa hiniusang 2,658.8 ektarya nga yuta nga umahan sa 17 ka lungsod ug duha ka siyudad. Ang ektarya bahin bahinon sa mga mag-uuma sama ni Antonio Acosta Sr. kinsa dunay 1.2 ektarya nga yuta. Matod sa anak nga si Antonio Acosta Jr, kaniadto mohatag sila og balig P2,500 nga kopras sa tag-iya sa yuta isip abang. (JKDP)