Mandaue City naka-gold sa futsal sa BP

GOLD: Malipayong nagpahulagway ang mga sakop ug coaching staff sa Mandaue City girls futsal team human sila nakalangkat og gold medal sa girls’ Under-13 division sa Batang Pinoy National Championships kagahapon sa St. Louis University sa Baguio City. (Ruel Rosillo)
GOLD: Malipayong nagpahulagway ang mga sakop ug coaching staff sa Mandaue City girls futsal team human sila nakalangkat og gold medal sa girls’ Under-13 division sa Batang Pinoy National Championships kagahapon sa St. Louis University sa Baguio City. (Ruel Rosillo)

NAKABIRA og gold medal ang Mandaue City girls futsal team human miresulta sa 3-3 nga panagtabla ang duwa niini batok sa Davao City sa girls’ Under-13 division sa Batang Pinoy National Championships kagahapon sa St. Louis University sa Baguio City.

Ang Mandaue City ninghuman sa league-type tournament dala ang 21 goal difference gikan sa upat ka mga daog ug usa ka tabla.

Ang Davao City aduna sab unta upat ka mga daog ug usa ka tabla nga rekord aoan nabiyaan kini sa Mandaue City og tulo ka mga puntos sa goal difference.

Si Mandaue bench tactician Eleazar “Elying” Toledo mibutyag sa Sun.Star Cebu nga ang ilang puwersa aduna na’y lig-ong panagtambayayong human nila naangkon ang titulo sa Allianz National Youth Futsal Tournament sa Laguna niadtong Hunyo.

“Well it’s not new to me because these girls have showed their caliber in Laguna. They already have a bond not only inside the court but also outside the court,” asoy ni Toledo.

“We plan on how we play and the girls played according to plan.”

Paingon ning kombatiha, ang Mandaue nagkinahalan lang gyud og panagtabla aron maangkon ang bulawan kumpara sa Davao nga kinahanglang modaog.

Ang Mandaue nakalabaw unta'g 3-1 apan nakagukod ang Davao aron tablahon ang duwa.

Ang mga naka-goal sa Mandaue mao sila si Jodi Marie Banzon, Mish Castañares ug Jospher Halili.

Sa wala pa nila gikaharong ang Davao, ang Mandaue ningdominar sa Pasig, Pangasinan, Baguio ug Benguet.

“We really wanted to play we came here last Thursday and witnessed the typhoon,” dugang ni Toledo, kinsa nagtumbok sa bagyong Ompong nga ninghaguros sa northern Luzon.

Ang Mandaue team gilangkuban og mga magduduwa gikan sa Sacred Heart School-Ateneo de Cebu, Labogon, Subangdako ug University of Southern Philippines- Foundation. (RSC, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph