LUGAR diin nahitabo ang pagdahili sa yuta sa sitio Sindulan, Brgy. Tinaan sa City of Naga, daan na nga gideklarar sa Mines and Geosciences Bureau nga highly susceptible to landslides.
Matud sa tigpamaba sa MGB 7, Marian Codilla nga inisyal nga usa sa ilang gitan-aw nga posibleng hinungdan sa pagdahili sa yuta mao ang kusog nga pag-uwan kagabii ug kaganihang buntag.
Giklaro usab sa OIC Regional Director sa MGB-7, Engr. Maliksi nga kadtong gipagawas nga findings nila ngadto sa kagamhanan sa Naga City niadtong agusto 29 kalabot sa nkaitang panpanliki sa yuta sa may sitio Tagaytay, mga 700 meters to 1 kilometer ang gilay-on ngadto sa Sitio Sindulan diin nahitabo ang pagdahili sa yuta.
Ang maong liki gawas usab sa quarry site sa Apo Land and Quarry Corporation.
Pero gitataw ni Maliksi nga ila usab susihon karon kon ang maong pagpangliki nga nakita niadting Agusto 29, nga adunay gitas-on nga 45 metros ug gibag-on nga 8 to 10 centimeters, usa ba sa nakatampo sa pagdahili sa yuta diha sa Sindulan. (Fe Marie Dumaboc)