"WA nagpasabot nga mingaw na, mohawa na mi."
Mao kini ang gipahibawo ni Land Transportation Office (LTO) 7 Regional Director Victor Caindec human kasagaran sa transaksyon sa ilang ahensiya gibalhin na.
“No. No letter. Why would we (move out). I would love to see him (Osmeña) try,” si Caindec ning nahinabi sa Superbalita Cebu kagahapon.
Kahinumduman nga gihulga ni Cebu City Mayor Tomas Osmeña pinaagi sa iyang Facebook page ang LTO 7 nga kon di niini sulbaron ang delays sa rehistrasyon sa motor ug lisenisya niini, papahawaon kini niya.
Kon mobisita man gud ka sa LTO 7 office sa N. Bacalso Ave., dakbayan sa Sugbo, mingaw na kini tungod kay ang licensing center nila anaa na sa SM Seaside, lakip na ang bag-ong lukat nga lisensiya.
“It has been sometime that we have been planning to give ang mga kliyente sa LTO ba a much better place nga maserbisyohan sila, so kanang discussion sa SM has been there for 3 and a half months,” matod ni Caindec.
Lakip sa buhatan nga nahabilin sa LTO 7 mao ang Cebu City District Office, regional office, new registration unit,operations, ug supply.
Nagpabilin usab sa maong buhatan ang Cebu City district office ang registration ug student permits.
“We will move certain transactions of LTO nga daghan og tawo into more comfortable location. That does not mean that we are closing our offices, we are just adding knew areas for us to deliver better service,” matod ni Caindec.
Gipahibawo usab ni Caindec nga sa di pa sila mapalagpot sa maong buhatan, kinahanglan og adminsitrative procedures aron mamahimong posible ang hulga sa mayor. HBL