HUGYAW na sab ang tinuig nga Intramurals sa Rizal Memorial Colleges Inc., (RMC) karon nga tuig.
Subay sa temang, “Empowering Acedemic and Sports Competencies: Gearing Towards Millennial Exposure,” daghan na ang excited tungod usa sa giatangan sa mga estudyante ang Mr. and Ms. Ibed 2018.
Ang Ibed o Integrated Basic Education gilangkuban sa mga estudyante sa RMC gikan sa Elementary, Junior High School ug Senior High School.
“This year man gud nag-separate ang Ibed from College, so gi-launch namo ang first ever Mr. and Ms. Ibed,” suma ni Deo Maambong, organizer ug Adviser sa Athletic Department sa tunghaan sa pakighinabi kaniya.
Dugang ni Maambong nga gibahin sa upat ka tims ang Ibed, anaa ang Blue Phoenix Golden Tigers, Red Dragon ug Black Scorpion.
“Per team naa silay tagduha ka girls and boys representative. Ang pagpili sa ilaha is gibase sab namo sa screening.”
Mga partisipante karon nga tuig mao sila Honie May Suansing, Juhaira Omar, Marife Manlangit, Princess Angelica Vasquez, Allysa Angela Dela Rosa, Shiela Mae Meñoza, Raiza Cristalle Del Rosario ug Annie Abrigo sa babaye.
Sa mga lalaki, magtigi sab sila Aaron James Estrada, Aaron Jimms Condinato, Andrie Ferdinand Valdez, Chierald Cadiente, Jan Ellyze Delos Reyes, Jehad Dipatuan, Kent Cuizon and Ronald James Genobe.
Gibutyag ni Maambong nga sa pagpili nila sa Mr. & Ms. Ibed, gikonsidera gyud nila ang mga maayo’ng gawi niini, sama sa ilang leadership skills, kalantip sa panghuna-huna, wit, ug di lamang kutob sa itsura.
“Yung winners will serve as role model sa campus, at the same time as Ambassador and Ambassadress sa mga events ng schools and kung may bisita tayo.”
Reader's Choice Award
Kabahin sa aktibidad, nakigbulig ang Superbalita Davao sa pagpili og ilhong Reader's Choice Awardee.
Ang botasyon nga sugdan Septyembre 24 ngadto Oktubre 8, i-agi sa kupon nga makita sa backpage sa Superbalita.
Matag adlaw, way apil ang Sabado ug Dominggo, i-mantala ang pictures sa mga kandidata, diin uban niini ang kupon nga i-fill-up ug guntingon, ihulog sa mga dropboxes nga ipwesto sa tunghaan.
Ang modaug, ideklara atol sa finals sa Mr. and Ms. Ibed 2018 karong Oktubre 10.