DAKO na ang nakuha nga suporta sa Consultative Committee alang sa gidusong Federal government nga gipanghingusgan sa administrasiyon ni Presidente Rodrigo Duterte.
Sa pakighinabi sa SunStar SuperBalita kang Prof. Eddie Alih, commissioner sa Consultative Committee to review the 1987 constitution, nga dako na ang suporta nga ilang nakuha pinaagi sa pagsuroy-suroy sa Mindanao.
Apan dili dinhi matapos ang tanan sanglit buot nila nga makuha ang 100 porsiyento nga boto gikan sa bahin sa Mindanao.
“We can go beyond 75 porsiyento already sa ating pag-iikot sa roadshow, the information that we get is talagang malaki na ang suporta but we want it to have more kasi we have to cover up sa buto ng NO sa atin sa Imperial Manila,” pahayag ni Alih.
Dugang niini nga ang #BayanihanFederalism alang kini sa mga Filipino nga napihig sa mga serbisyo sulod sa pipila ka katuigan.
“Bayanihan Federalism is unique to the Philippines, adjusted talaga to our conditions, Federalism is a non-concentration of power in this central government, it is actually giving powers to the Regions and this powers are exclusive to the Regions,” dugang niini.
“Federalism would allow the Region to achieve their full potential,” dugang ni Department of Interior and Local Government (DILG) Jonathan Malaya, DILG assistant secretary for Communication and Public Affairs.
Pipila ang nabalaka usab gumikan kay nagtuo nga mas mosamot pa ang korapsiyon pinaagi niining maong kausaban sa konstitusiyon sa Pilipinas.
Gipasabot niini nga tipik sa draft sa Federal constitution mao nga aduna na’y duha ka mga senador gikan sa matag rehiyon, tunga o 50 porsiyento na usab sa financial administration ang makuha sa Federal government ug sa federated regions, pagwagtang sa political dynasty ug uban pa nga mga benepisyo alang sa kaayohan ug kalamboan sa tanan.
Naglaom usab si Malaya nga ubos sa administrasiyon ni Duterte mapalabang o ma-implementar na kining maong kausaban gumikan kay mao lamang kini ang higayon tungod kay mao lamang kini ang nasayod sa tinuod nga kahimtang sa katawhan ilabi na sa Mindanao.