DILI angayan nga ikabalaka ang suplay sa isda sa Northern Mindanao sumala sa Bureau of Fisheries and Aquatic Resources (BFAR).
Matud ni Noel Saldejon, ang tigpamaba sa BFAR, nga igo na kaayo ang abot sa mga mananagat sa rehiyon.
Dugang ni Saldejon nga kon magkulang sa supply ang rehiyon tungod sa dagkong balod, ang mga kasikbit nga probinsya sama sa Pagadian City, Zamboanga City, ug Davao mamahimong maka supply og isda.
Gipasabot niini nga ang presyo sa isda magdepende sa gidaghanon sa suplay niini.
Susama sa bangus nga kung daghan suplay barato usab kini kon paliton sa merkado.
Sa kasamtangan, ang BFAR nagselebrar karon og Fish Conservation Week nga nagdala sa tema: “Sektor ng mga Mangingisdang Rehistrado at Kinikilala, Kabalikat sa Pagsulong ng Pangisdaang Masagana.”
Tumong niini ang pag-awhag sa tanan mga namunoan sa kalungsoran nga bantayan nila ilang kadagatan nga dili masudlan sa mga illegal fisher.