GITUBAG na gyod ni Sen. Manny Villar ang mga pasangil batok kaniya sa kontrobersyal nga C5 road project dihang surprisa siyang nipakita sa Senado kagahapon.

Nipahigayon si Villar sa iyang privelege speech aron isaysay nga wa siyay kalambigitan sa pasangil ug depensahan niya ang iyang kaugalingon.

Click here for stories and updates on the Sinulog 2010 Festival.

Human sa iyang privelege speech, ang opisyal nga magpapili sa pagka-presidente sa Mayo 10 nga eleksyon wa motubag dihang buot unta siyang kwestyunon sa iyang kaatbang nga mga senador ug hinuon ni-walk out.

“I stand before the Senate in defense of my name, my honor, my dignity against my accusers in the so called C-5 controversy,” nagkanayon siya.

Iyang gipadayag nga nibarog siya aron iprobar sa tanan nga di siya talawan o kaha bakakon.

“I was condemned without the benefit of a fair trial,” matod ni Villar.

“Ang isang boxer ba ay lalaban kung may desisyon na ang Senado?” pangutana niya, uban sa pag-esplikar sa wa niya pagpakita sa imbestigasyon sa Senado nunot sa kaso nga gipasaka batok kaniya.

Nitumbok siya nga ang report sa Senate committee of the whole nga nirekomendar nga silutan siya iyang gihulagway nga “most unfair” batok kaniya.

“I believe it [ang report] was presented to deceive the people...The report does not reflect truth. Wala pong katotohanan ito,” padayag niya.

“Wala po akong kasalanan. Wala pong anomaliya sa C-5. Hindi po ako dito nakinabang. Sa mata ng Diyos, masasabi ko na hindi po ako nakinabang dito [I am not guilty.

There is no anomaly at C-5. I did not profit from this. In the eyes of God, I can say that I did not profit from the project],” dugang niyang padayag.

Ang imbestigasyon sukad sa sinugdanan, matod ni Villar gitumbok niyang “politically motivated” ang gibuhat sa Senado.

“Lutong-makaw lahat ito, Mr. President, lutong-makaw mula sa simula hanggang katapusan,” nagkanayon siya.

Apan ang mga senador nga kaatbang ni Villar nangahimangod sa iyang pag walkout ug wa pagtubag sa ila untang mga pangutana.