MILABNI og impresibong pito ka gold medal ang Cebu Province Karatedo team sa nagpadayon nga Batang Pinoy National Championships nga gipahigayon didto sa SM City Baguio.
Gawas sa pito ka gold, ang team mipuno pa gyud og upat ka silver ug pito ka bronze nga naghatag sa Cebu Province og 20-7-12 sa medal standing hangtod ning pagsulat.
Sila si Precious Avegail Belicario sa University of Cebu (UC) ug Janine Narboada sa Talamban Elementary School pulos nakaduha og gold medals samtang aduna tagsa-tagsa usab sila si while Trexie Joy Ogoc, Rome Florenz Metante ug Allena Mariz Benitez.
Belicario ruled the 13-15 girls’ advance kata and the 150cm kumite while Narboada won the 10-11 kata and the 140cm kumite.
Si coach Rhodee Saavedra mibutyag nga bisan tuod nga malaumon sila nga maka medal apan wala sila magdahom nga pito ka gold medal ang ilang mahagdaw.
Hinuon gibutyag ni Saavedra nga bisan gani sa paghiabot nila sa Baguio City padayon ang ilang training nga wala mag-jacket aron lang pagsinati sa klima.
Mapasalmaton siya nga daling naka-adjust ang iyang mga batos ug wala kini maapektohi sa kabugnawon sa panahon.
Gituohan nga posibling ila pang madugangan og medal ang Cebu Province sanglit hangtod ning pagsuwat padayon pa ang nagkombati ang boys’ kumite. (JBM, RSC)