WALA ra milantaw sa layo ang Talk N’ Text Katropa sa pagkuha og bag-o nilang head coach.
Ang team management nakadesisyon nga isaka lang si deputy coach Bong Ravena ngadto sa full-time head coach aron ihulip kang Nash Racela.
Sa usa ka out-of-town karong gabii sa Iloilo City, magsugod si Ravena sa iyang bag-ong obligasyon sa panagharong sa KaTropa ug Rain or Shine Elasto Painters sa Philippine Basketball Association (PBA) Governor’s Cup.
Usa ka top official sa MVP Group ang mikompirmar niini sa Spin.Ph ubos sa kondisyon nga dili lang siya magpaila.
Si interim coach Eric Gonzales, kinsa maoy temporaryong migiya sa KaTropa dihang ni-file si Racela og indefinite leave, mobalik sa iyang naandang trabaho isip assistant coach.
Sa wala tuyoa, si Ravena mabunyagan isip usa ka headcoach sa mismo niyang yutang natawhan sa Iloilo City.
Sa miaging semana, ang KaTropa mikuha sab og usa ka New Zealander-Australian nga si Mark Dickel isip consultant sa tinguha nga makatabang kini aron matul-id pagbalik ang agianan sa KaTropa.
Karong gabii, si Dickel magsugod na sa iyang obligasyon. ESL