DALA ang dakong pagsalig, miabot na kagahapon si International Boxing Federation (IBF) super-flyweight king Jerwin Ancajas sa San Francisco, USA uban sa iyang kinatibuk-ang puwersa sa team.
Si Ancajas, sa ikaunom nga higayon, modepensa sa iyang IBF 115-lbs. title batok sa Mexicanong si Alejandro Santiago Barrios.
Uban kaniya ang iyang manager-trainer nga si Joven Jimenez, ang Australian cutman nga si Todd Makelim, stablemate Mark Anthony Barriga ug conditioning coach Delfin Boholst.
Sa wa pa mogikan paingon sa US, si Ancajas nakahuman na og 100 ka rounds didto sa Magallanes, Cavite ug tinguha karon sa walhon nga Ancajas ang impresibong kadaugan batok ni Barrios kinsa gihulagway nga aduna usay igong kusog.
Kon modaog, si Ancajas posibling mosulong ngadto sa Thailand aron awayon ang naila ug bantugan nga Thailander ug world champion nga si Srisaket Sor Rungvisai. JBM