SECTIONS
Wednesday, December 19, 2018
SUPERBALITA CEBU

UV, USJ-R mag-usab

Mga duwa karon

1:00 pm- UV batok CEC (jrs)

2:30 pm- SHS-AdC batok SWU (jrs)

4:00 pm- UC batok USC (srs)

5:30 pm- UV batok USJ-R (srs)

PROTEKTAHAN sa University of Cebu (UC) Webmasters ang ilang limpyong rekord sa ilang pagpakigbatok og balik sa University of San Carlos (USC) Warriors sa ikatulong duwa karong hapon sa 2nd round sa eliminasyon sa CESAFI basketball college division sa Cebu Coliseum.

Human sa 1st round sa eliminasyon, ang Webmasters ni coach Raul “Yayoy” Alcoseba mao ang bugtong puwersa nga wala nakatilaw og pilde sulod sa unom ka mga duwa.

Importante alang sa Webmasters nga dili mamansahan ang ilang rekord hangtod sa double-double round elimination gumikan kay maghatag kini kanila og benepisyo nga maghatod kanila deretso sa finals nga dili na moagog semi-finals.

Lakip ning kombatiha, aduna pa’y unom ka mga duwa nga kinahanglang sagunson nga madaog ang Webmasters, usa ka tahas nga dili sayon hilabi na kay tanang teams nagtinguhang mopakgang kanila.

Sa ilang bahin, ang Warriors ni coach Bong Abad ninghuman sa 1st round sa eliminasyon bitbit ang 2-4 nga rekord, timailhan sa dili maayo nilang kampanya.

Sa premirong panagsangka sa duha ka mga kampo, yanong gipanglubong nga buhi sa Webmasters ang Warriors, 72-50, niadtong Agusto 26.

Apan gilauman nga ning higayuna, makaparang na og insakto ang Warriors.

Sa main game, eksplosibong aksyon ang gilaumang masaksihan sa panagharong sa back-to-back defending champions UV) Green Lances ug University of San Jose Recoletos (USJ-R) Jaguars.

Ang Green Lancers ni coach Gary Cortes, nga ningmakmak sa Southwestern University (SWU)-Phinma Cobras, 70-51, niadtong Huwebes, naggunit og 4-3 nga rekord samtang ang Jaguars ni coach Leodie Garcia adunay 5-1 nga baraha.

Sa una nilang panagharong, gipakuratan sa Jaguars ang Green Lancers, 89-73.

Sa mga kombati sa high school division, mag-abot sa premirong sangka ang defending champions (UV) Baby Green Lancers (3-0) batok Cebu Eastern College (CEC) Dragons (2-1).

Mosunod ang engkuwentro tali sa SWU Baby Cobras (1-3) batok Sacred Heasrt School-Ateneo de Cebu (SHS-AdC) Magis Eagles (1-2). ESL


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!