Dear Noy Kulas,
Tawga lang ko sa ngalan nga Maria. Nagtungha ko sa college. Close mi sa akong mga classmate ug pinangga kaayo ko nila as friend ug barkada.
Nagsugod ning akong problema sa usa namo ka outing sa mga barkada sa usa ka beach. Ambot ngano to nga dihang nahubog mi sa akong classmate ug close friend nga babaye, nag-kissing na mi og maayo ug nanginit mi og maayo. Way nakakita namo kay nagpalahi mi ug gabii sab. Grabe ang nahitabo namong duha. Human ato, maora na mi og uyab pero wa mi magpaklaro sa among mga classmate kay mauwaw mi kay same mi nga mga babaye.
Nagkawatkawat na mi og kita ug same sa ubang mga mag-uyab, grabe ang among romance. We just realized nga in love na ming duha. Sa laktod, uyab mi, Noy. Nahibung mi kay ma-attract gihapon og mga lalake pero kutob ra sa attraction. Ngano kaha nga nahitabo ni namong duha nga para namo, girls man mi. Tomboy na kaha mi? Mausab pa kaha mi?
MARIA
Maria,
Kon batan-on pa mo, di na ikahibung tungod sa rapid changes dala sa adolescence period ninyong duha. Mahitabo usab ni sa mga lalake, diin duna say motumaw nga feeling sa same sex. Di man kamo ra ang nakaagi niini, naay daghan. Apan kon mag persist ni until sa early adulthood ninyo, lain na kini nga estorya. Hayan ang inyong preference duha, nagpasabot nga kamo bi-sexual. It means ganahan mo og babaye ug lalake. Dunay uban mas ganahan sa same sex samtang uban mas ganahan og opposite sex.
Anyway, huna-hunaa unag maayo ninyo kon angay ba ninyong pasumban ang inyong gibati karon. Kana kon ready ba mong moatubang sa inyong friends nga kamong duha uyab bisan pulos mo mga babaye. Natural, moabot ang higayon nga dunay manginsulto ug magbugabugal.
Akong i-advice ninyo, huna-hunaa ninyog maayo kon unsay consequences sa inyong relasyon karon. Di ba usab maapektuhan ang inyong pamilya? Kana maoy huna-hunaa ninyog maayo. Diha mo decide kon angay bang ipadayon ninyo o di. Kon gusto mong mababaye gyud, you have to split. Mao ra nay makaputol anang inyong na feel karon.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com