Kaon ta! Lamon Ta sa Kuya Jerms!

DAVAO. Mga customer sa Kuya Jerms Buhangin Branch. (Gipaambit na hulagway)
DAVAO. Mga customer sa Kuya Jerms Buhangin Branch. (Gipaambit na hulagway)

BASTA pagkaon, di gyud pauwahi ang mga Pinoy. Luyo sa mangita kini sa lamiang putahe, didto sab gyud kini sa kung asa ang barato.

Ning konsepto namugna ang Kuya Jerms Chicken and Barbeque Hauz.

Unang nagbukas sa may Bajada, dakbayan sa Davao, misunod sab sila og open sa ilang Buhangin branch.

Suma ni Jerome Paquit, nanag-iya sa establistamento, wa damha nga mo-klik ang maong negusyo niya.

"Nag-start siya kay naay space for assume diha sa may Bajada. I'm an ex-Davao Light employee, so gi-try nako, luckily ako ang nakakuha sa pwesto," ni Paquit sa pakighinabi kaniya.

Human niadto, mihimo sila og mas pang-masa nga rebranding sa ilang produkto, diin suma ni Paquit, buot niyang maka-avail bisan ang masa sa lamian nilang produkto.

"Ang goal sa Kuya Jerms, diba naa tay mga pagkaunan nga pang middle class pataas, kami similar ang concept, pero ang masa among target, unya unli rice pa gyud siya!"

Ultra hot sauce

Of course, partner sa lamiang pagkaon ang ilaha sab nga ginama nga Ultra Hot Sauce.

"Gihimo siya sa sukang tuba then sili, mao gyud nay pampagana og kaon. Bisan ako galikay usahay mogamit ana kay lagi makalimot ka sa diet."

Pahayag ni Paquit nga ang kahalang sa ilang Ultra Hot Sauce daw mama-ak, apan may something nga imo gyung pangitaon.

Pinasahi nga menu

Sa Kuya Jerms, di komon ang ilang menu. May gimugna silang combo meals uban makalingaw nga ngalan.

Anaa ang Kaw Bahala (Chicken BBQ, unli rice & ultra-hot sauce), Kung Ano Sau (Boneless Bangus, unli rice, ultra hot sauce); Kahit Ano (Crispy Chicken, unli rice and hot sauce); Yan! (3 sticks pork BBQ, unli rice and ultra-hot sauce);

Ano Meron (2 chicken pork liver, unli rice and ultra-hot sauce); Oo Nga (Two gizards, unli rice, ultra hot sauce); Lahat! (Three necks, unli rice and hot sauce); Pwede! (Two hotdogs, unli rice and sauce); Yan Oh (One chorizo, unli rice, ultra hot sauce) ug Teka Lang (pork chop, unli rice, ultra hot sauce).

Hagit

Aminadong bag-o pa sa food business, apan dugang ni Paquit, nadasig siya dinhi tungod sab sa positibong feedback nga nadawat.

"Nag-plan unta kog coffee shop, naa nakoy design, here comes naay opportunity, gi-try nako, gi rebrand, then nag-click man, so why not i-pursue ang Chicken house."

Just recently lang sab gibuksan sa Kuya Jerms ang ikatulo nilang branch diha sa may SPMC.

Ang Kuya Jerms, usa sab sa minor sponsors sa bag-uhay lang nahuman nga Super B Idol sa Kantahan 2018!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph