GOOD day, mga higala! It's good to be alive!!! Hallelujah!
Basi'g natingala mo unsa ang, "Talikala," migo. Aw, niadtong milabay'ng Huwebes, nagpatigayon og Sectoral Consultative Meeting & Forum ang mga opisyal sa Barangay New Visayas, Panabo, mahitungod sa pag-andam sa ilang tinuig nga budget.
Mga lider sa nagkadaiyang pundok sa maong barangay ang ningtambong sama sa grupo sa senior citizen, solo parents, religious, Sangguniang Kabataan, Parents Teachers Association, persons with disabilities, ug uban pa. Ang katuyoan siyempre mao ang pagsayud sa tinuod nga panginahanglan ug paggama'g mga programa nga pundohan sa barangay nga haum sa mga katawhan.
Si Miss Lanie ug Charlotte Lagaso sa Department of Social Welfare & Development (DSWD) Panabo chapter, naghatag og dugang pahibalo sa mga benepisyo alang sa mga katiguwangan ug solo parents sa barangay samtang si Miss Sara Jane Escabarte gikan sa Talikala Inc., usa ka non-stock, non-profit social development organization, naghisgot mahitungod sa
Sex Trafficking
Nagsugod ang Talikala Inc. niadtong tuig 1987 sa adbokasiya nga panalipdan ang mga kababaihan ug kabataan batok sa commercial sexual exploitation. Naa silay three-year program sa Panabo nga karong tuig gisugdan. Ngilngig kaayo ang mga datos nga gihisgutan mao paminaw este pagbasa og tarung, igsuon.
Nuybe ka klase ang Sexually Transmitted Infections (STI) nga posibleng mahiaguman sa mga uwagan nga bisan kinsa ang ka-sex (HEKYA)? Uban seguro kaninyo natakdan na sa sakit nga gonorrhea kun tulo, warts, herpes ug uban pa nga hinungdan sa pagkabungkag sa pamilya o bisan pagkamatay, higala. Seryoso ni bah!
Na-Shakira (shock) pod ning inyong amiga kay ikaduha, as in number 2, gayud sa dunay taas nga ihap sa natakdan og human immunodeficiency virus (HIV) ang siyudad sa Panabo sa probinsiya sa Davao del Norte, migo- oh no!!!! Kasagaran, makuha ang HIV sa male to male kun parehas laki ang nakighilawas.
Sa kalibutan, ang paggamit og ginadili nga druga ang numero unong ilegal nga panguwarta. Ang sex trafficking ug pamaligya'g armas ang usahay ikaduha o ikatulo matud pa sa pagtuon niadtong 2016.
Ang Unicef nagkanayon nga NUMBER 1 ang Pinas sa child pornography!!!
Naunsa na ni???
Halin daw kaayo sa mga langyaw ang mga hitsura natong mga Pilipina. Intawon, 7,000 matag bulan ang mga kaso sa cybercrime dinhi sa Pinas-tsk tsk!
Akong ginapanghinaut nga mahimong malampuson ang konsultasyon sa barangay aron tanang lumulopyo mag-angay. Sa Talikala Inc., unta mas daghang pa ang inyong matabangan aron ang problema sa prostitusyon ug pag abuso sa mga kabataan ug kababaihan maundang.