GIBUTYAG ni Misamis Oriental Governor Yevgeny Vincente Emano nga kung siya ang pabut-on dili siya mobiya sa kapitolyo ug tapuson usa ang iyang katapusang termino isip gobernador.
Matud ni Emano nga nahinabi sa SunStar SuperBalita nga dili sab siya makabalibad kon ang hukom sa iyang partido sa PaDayon Pilipino ug sa Hugpong ng Pagbabago padaganon siya sa laing posisyon.
“I just hope that my party PaDayon Pilipino and Hugpong ng Pagbabago will allow me to run for the governorship and not any other position,” matud niini.
Daw ikalipay sab niini nga mas mapadayon iyang mga programa ug serbisyo sa kapitolyo apan tungod kay moagi pa og piniliay walay kasiguradohan kon modaog ba siya sa posisyon.
“But even if I run for the province wala may garantiya nga makadaog pod ta kay eleksyunon paman, sa matag piliay naay gitawag nga gamble. You might make it you might not make it.” Dugang niini.
Una na nga gibutyag sa founder sa PaDayon Pilipino ug amahan niining si kanhi Cagayan de Oro Mayor Dongkoy Emano nga dili niya hilabtan si Bambi sa kapitolyo.
“Diha ra siya sa kapitolyo. Bilin sa siya diha kay last term na niya,” pahayag sa amahan niini.