Presidente Duterte imbitado sa Atop Convention

GIKUMPIRMAR ni Atty. Jeffrey Saclot, ang Provincial Tourism Department head sa Misamis Oriental, nga dili tiaw ang ilang pagpangandam sa gikatakdang Atop Convention karong umaabot Oktubre 4 ning tuig nga ipahigayon sa dakong mall sa dakbayan sa Cagayan de Oro.

Matud ni Saclot atol sa interbyu sa mga prensa nga ila usab nga giimbetahan si Presidente Rodrigo Duterte mohatag sa iyang opening message sa maong kalihukan.

Malaumon si Saclot nga unta dili balibaran ug makatambong ang Presidente sa nasod niining dakong kalihokan sa kasaysayan sa Misamis Oriental.

Lakip sa giimbitahan niini ang chairman committee on Tourism sa senado nga si Senator Nancy Binay.

Gipangandaman pag-ayo sa probinsya ang maong kalihokan ilabi na nga lauman nga moabot sa libo kapin ka mga tourism officer nga gikan sa nagkadaiyang lungsod ug probinsya sa nasod ang mahidangat sa lalawigan alang niining dakong kalihukan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph