ANTIPAS, North Cotabato -- Usa ka drayber og traysikel kinsa giingong mitestigo batok sa iyang mga silingan nga nalambigit sa druga ang gipatay.
Si Rogelio Pedroso, 41, ug molupyo sa Barangay Poblacion, Antipas ang gipusil alas 4:50 sa hapon niadtong Biyernes.
Sa taho gikan sa North Cotabato Police Provincial Office, nasayran nga namasahero lang si Pedroso sa iyang traysikel sa Purok 5, Barangay Magsaysay, Antipas sa dihang nahitabo ang pagpamusil kaniya.
Duha, matud pa, ka mga wala mailhing lalaki ang miduol sa biktima ug dayon nagpusil tumong sa ulo ug kilid sa iyang lawas.
Mga mamumuno nga wa mamay-ungi sa mga pasahero sa biktima, daling miikyas padulong sa hilit nga dapit sa Antipas sakay sa motorsiklo nga walay plaka.
Giingong ang biktima nagtestigo sa mga nadakpan niya nga silingan nga matud pa nalambigit sa pagpayuhot sa gidiling druga.
Imbestigasyon sa maong kaso nagpadayon pa.