Nalzaro: Kinsay mabasol?

IYAHAY lang og pagbinasulay ang ahensiya sa gobiyerno og pribadong kompaniya nunot ning grabeng landslide sa bukirang barangay sa Tinaan ug Naalad, dakbayan sa Naga.

Hangtod karon nagpadayon pa og pagpahigayon ang mga nagkalainlaing rescue groups og search and retrieval operations pamasin nga ma-ugkat ang lawas sa mga biktima aron mahatagan og desenteng lubong sa ilang mga kabanay. Ambot kon aduna bay buhi sa pagkakaron upat na ka adlaw human sa maong trahedya.

Pipila pa ka oras human midahili ang yuta og mitabon sa mga panimalay labi pa sa sitio Sindulan sa barangay Tinaan, mabati pa ang singgit sa mga biktima nga diin nangayo og panabang. Ang uban naka-text pa sa ilang nga higala og kabanay samtang atoa ilawum sa yuta. Karon mingaw na og nanimaho na ang maong lugar. Gibana-bana nga sobra pa sa usa ka gatus ka mga tawo ang nalubong.

Kinsa man gyud ang mabasol ning maong hitabo? Duha ka klase ang mga trahedya. Natural o iya sa kinaiyahan og man-made o binuhatan sa tawo. Natural nga kalamidad mao kanang bagyo, tidal wave/tsunami, baha ug lunop ug pagbuto sa bulkan.

Ang man-made mao kanang sunog, disgrasya sa sakyanan sa dagat, kahanginan og kamad-an, explosion sa gas, chemical og nuclear og kanang stampede o kaguliyang nga mga natamakan nga tawo.

Ang Apo Land and Quarry Corporation (ALQC) mihimo og quarry operations sa maong mga lugar nga moabot ngadto sa 300 hektaryas. Apan ang tigpamaba sa maong kompaniya nanghimakak nga nagsugod na sila sa pag-quarry sa maong lugar.

Kon wala pa ang maong kompaniya nagpahigayon og quarry, nganong nangaupaw na ang mga bukid. Karon lang sila nihimakak nga dugay na silang nakapahimilos ug panamastamas sa kinaiyahan.

Ang Mines and Geosciences Bureau) sa Department of Environment and Natural Resources (MGB-DENR) mi-isyu og certification ngadto kang Naga Mayor Kristine Vanessa Chiong nga ang mga liki nga na-obserbahan, natural lang ug dili peligro. Apan naunsa na kini karon? (bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph