NAGSUGOD na ang teleseryeng “Playhouse” nga makita matag udto sa dili pa ang “It’s Showtime”.
Bida dinhi ang Zanjoe Marudo ug Angelica Panganiban sa light comedy romance.
Ang duha parehong may abilidad sa komedi kay pareho ni silang produkto sa comedy gag show nga “Banana Sundae”.
Samtang si Angelica duna say pelikula karon, ang “Exes Baggage” kauban ang ex nga si Carlo Aquino.
Sa mga nakakita ug nakabasa sa mga post nila sa sa social media, daghan gyud ang nagtoo nga may relasyon na sila. Apan wa kuno silay relasyon.
Pero kon ang fans pasulti-on, dako kaayo ang posibilidad nga magkabalikan gyud ang kanhi mag-ex nga si Angelica ug Carlo.
Sa pagka-karon, ato lang unang nuntan ang seryeng “Playhouse” nga gibituonan sad nilang Donnie Pangilinan ug Kisses Delavin, nga mopa-kilig usab sa mga kabatan-onan, ay’g saba!
Dili mahimong dili nako i-share ang akong reaksyon sa pelikulang “Crazy Rich Asians”.
Sobra man gud kong nakuryoso ug na-intriga kay hapit tanan sa showbiz kini nga movie ang gihisgutan.
Maayo gani kay nakaabot pa mi sa iyang last day. Mao diay box-office hit kay usa siya ka tipikal Filipino movie.
Dato nga nahigugma sa pobre ug sa katapusan nagmadaugon gyud ang ilang duha ka mga kasing-kasing. Average lang ang bidang babaye samtang ang uyab niini super kadato man diay, ug ulahi na kini niya nahibaw-an.
Malingaw ug makahilak sab ka sa istorya ug nakarelate sab ta og maayo sa ilang love story.
Ma-amaze ka sa mga gipakitang lugar, isla ug mga grandiosong party nga ang mga super rich ra gyud ang maka-afford.
Spektakular nga mga eksena nga makapa-sorpresa nimo ug makapangutana ka sa imong kaugalingon kon tinood ba gyud ni?
Wa gyud ko magmahay nga nakakita sa maong movie. Sa wala pa kakita, atangi ni ninyo sa dvd ug magpaka-Crazy Rich Asians na ta, ay’g saba!