DI ra makaapekto ang bagyo nga gikatakdang mosulod sa nasod karong adlawa.
Samtang gibutyag sa Philippine Atmospheric, Geophysical and Astronomical Services Administration (Pagasa) Mactan nga ang pag-uwan sa nakalabay nga mga adlaw tungod sa Inter-Tropical Convergence Zone (ITCZ).
Gipahibawo ni Pagasa Mactan Senior Weather Specialist Engr. Al Quiblat nga mas maayo ang masinati nga panahon karon ug sa umaabot pa nga mga adlaw tungod kay nihinay ang ITCZ.
Apan magpabilin gihapon ang katag nga pag-uwan tungod kay rainy season paman.
“Partly cloudy to cloudy, isolated rain showers. Naa gihapo’y chance (of rain) labi na nang thunderstorm kay naa paman ta sa ting-ulan,” pasabot ni Quiblat.
Nasigpatan ang bagyo nga anaa’y international name nga Trami sa 2,060 kilometros sa sidlakan sa Central Luzon kagahapon sa alas 11 sa buntag.
Karong hapon o gabii kini mosulod sa nasod apan di kini mag landfall o kaha makaapekto sa Sugbo.
“Naa, pero i compare nimo karon (kagahapon) improving. Ang chance niya mas mubo.” HBL